Spinasietert

Bestanddele:

Spinasie, skoon gewas en fyn gekap, 250g suurroom, 1 pakkie bruin- of wituiesoppoeier, 250g gewone maaskaas, 3 eiers, sout, peper, mosterd na smaak, 250g gerasperde kaas, 1 ui fyn gekap en 'n bietjie kookolie, deeg vir tertkors (opsioneel)

Kook die spinasie in klein bietjie soutwater tot gaar. Meng die suurroom en soppoeier en laat staan vir so 15min eenkant. Kap die ui en braai in bietjie kookolie tot sag en meng dan met gaar spinasie. Klits die eiers en meng met die maaskaas, sout, peper en mosterd en twee derdes van die gerasperde kaas. Meng dan die suurroommengsel by en laastens die spinasie- en uiemengsel en roer als goed deur. Gooi alles in 'n tertpan en strooi laastens die laaste bietjie kaas bo oor. Bak vir ongeveer 30 min (of tot bruin en gestol) in 'n voorafverhitte oond (180 grade C). (Indien u van 'n tertkors hou, kan u voorafgekoopte deeg (puff pastry) dun uitrol en onder die tertpan vasdruk en dan die deeg bo-op gooi.)

Ek is gewoonlik te haastig...

Resep uit Huisgenoot wenresepte 3